ONS

Storie

Dit was die 12de Januarie 2024 en het alles begin met ‘n kyk, agt danse en ‘n boodskap of twee. As dit nie was vir die maatjies van Linden wat Ruzaan en Werno bietjie Padstal toe gesleep het een aand nie, het die twee se paadjies dalk eers heelwat later gekruis. Ruzaan was beïndruk met Werno wat net na een keer se voorstel haar naam kon onthou, en het deur die loop van die aand bietjie ogies gemaak – tot sy besluit het dat sy lus is vir ‘n toer om die vloer.

Sy het nie gewag vir Werno om te vra nie, en sy het ook nie gevra nie. Sy het sy hand gegryp en hy het met ‘n glimlag gevolg en toe gelei.

Na die aand verby is, het Ruzaan die moed gehad om vir Werno ‘n boodskap te stuur om dankie te sê vir die lekker aand. Werno het gesê dat sy kuite redelik styf is na die sokkie van die vorige aand, en Ruzaan het toe nou nie geweet wat om op die boodskap te antwoord nie.

Na twee weke se stille verloop, en Ruzaan se besluit om haar hare vanaf haar heupe na haar skouers te sny, ontmoet die twee toe weer by ‘n dak-nat-maak partytjie van die einste vriende. Hulle het skaam-skaam gegroet en weer skelm ogies gemaak. Ruzaan het toe besluit om saam met Werno in die reën te staan terwyl hy ‘n balletjie in ‘n koppie probeer gooi, en toe vind die twee regtig mekaar.

En hoe se hulle? The rest was history. Werno het toe vir Ruzaan op hulle eerste date Tribecca toe gevat waar Werno ‘n kilogram steak afgewurg het om Ruzaan te beïndruk. Dit het duidelik gewerk.
Hulle is die liefde van mekaar se lewens, en kyk nie terug na ‘n tyd voor die 12de Januarie 2024 nie.

FYNER

Details

KINDERS & METGESELLE

Slegs per uitnodiging

Al sou ons dit só graag wou hê dat almal daar kan wees, laat die kapasiteit van die venue dit ongelukkig nie toe nie. Ons kan dus net die gaste verwelkom wie se naam op die uitnodiging verskyn. Dankie dat jy verstaan.

KROEG

Kroeg met kaartfasiliteite sal beskikbaar wees

Kleredrag

Semi-formeel
Sien pallet hieronder vir inspirasie

GEVOLG

Bruidsmeisies

BRUIDSMEISIE
Anjeri de Bruyn

As ek aan jou dink, dink ek aan koshuiskamer-koffies, laat aande uit, dans, sêrrie, te-min-maar-altyd-daar geselsies en inchecks deur die dinge van die lewe, die gesprekke oor hoe ons “eendag” sou lyk, Brandy en Burger Specials by Springbok.

Binnekring

Bridget Adams

As ek aan jou dink, dink ek aan speletjies in die swembad, die een wat ek eerste soek by enige familie event, die een met wie ek kan gesels oor alles van die lewe, die enigste een wat weet hoe ritmies jou lewe raak, die een wat ek weet altyd daar sal wees.

Strooimeisies

Yula Snyman

As ek aan jou dink, dink ek aan handstands en dansies, lekker lag ogies, my mini me en jou kleine handjie in myne.

Strooijonkers

STROOIJONKER
JP du Toit

My ander oudste pêl

Seremoniemeester

Adriaan Adams